الرئيسية > آش واقع > معلومات شاملة على الفاكسان فالمغرب (الجزء 2): ها شكون اللي مخصوش يديرو منهم العيالات الحاملات.. وها شحال ديال الوقت باش تحس بالحماية بعد اللقاح
11/01/2021 12:30 آش واقع

معلومات شاملة على الفاكسان فالمغرب (الجزء 2): ها شكون اللي مخصوش يديرو منهم العيالات الحاملات.. وها شحال ديال الوقت باش تحس بالحماية بعد اللقاح

معلومات شاملة على الفاكسان فالمغرب (الجزء 2): ها شكون اللي مخصوش يديرو منهم العيالات الحاملات.. وها شحال ديال الوقت باش تحس بالحماية بعد اللقاح

هشام اعناجي ــ كود الرباط//

الفاكسان هو الحاجة الوحيدة لي تقدر تمنع انتشار فيروس كورونا، المغرب معول عليه باش الصحة العامة ترجع كيف كانت. وبالتالي خاص تعميم اللقاح على فئات واسعة من المواطنين.

أسئلة كثيرة على اللقاحات جاوبو عليها خبراء مغاربة مختصين في التلقيح، هاد الأجوبة نشرتها الجمعية المغربية للأمراض التعفنية لدى الأطفال والتعطيم، منها شكون ما خصوش يديرو. حالات خاصة ممنوع عليها يديرو اللقاح.

فالجزء من الثاني من معلومات شاملة على اللقاح فالمغرب، لي كتنشرها “كود”، غانطرقو لهاد النقط باختصار:

1/ كاينين حالات مغاديش يديرو التلقيح ضد كوفيد مؤقتا وعندها الأسباب التالية:

أولا ــ الحمل بسبب نقص البيانات العلمية في الوقت الحاضر.

ثانيا ــ  مرض كوفيد 19 بتاريخ أقل من 3 أشهر (اذا كنتي تصابتي بكورونا أقل 3 أشهر من بدء التلقيح مخصك ديروش).

ثالثا : الحساسية المفرطة أو در فعل تحسسي خطير (أرجية) للقاح سابق يحتوي على مكون موجود أيضا في اللقاح الجديد. مخاص تعطى الجرعة الثانية لأي شخص عانى من الحساسية المفرطة بعد أخذ الجرعة الأولى من هذا اللقاح.

رابعا: في حالة الإصابة بمرض حاد يستحسن تأجيل اللقاح إلى أن يتم حله.

2/ من الأفضل عدم تلقيح النساء الحوامل ضد كوفيد 19، محطوهمش فالتجارب السريرية ومكاينينش دراسات علمية دقيقة عليهم.

3/ سلامة الفاكسان: كاين مركز التيقظ الدوائي كيراقب كولشي وكيدير تقارير فالمغرب، فحالة بان شي مشكل ممكن يوقفو عملية التلقيح.

4/ حاليا استراتيجية التلقيح فالمغرب معني بها الأشخاص لي فايتين 18 عام، مع اعطاء الاولوية للمهنيين في قطاع الصحة والأمن والتعليم والأشخاص المسنين والمعرضين للخطر.

5/ الأطفال معندهمش أولوية التلقيح لأن الخطورة أقل بكثير مقارنة بالكبار.

6/ غاتكون عندنا مناعة القطيع إذا وصلنا لـ80 تال 90 في المائة من السكان تلقحو.

7/ عكس ما يتم ترويجه، الحقن ديال الفاكسان ضد كورونا غايكون ف الأغلب ف الجزء العلوي من الذراع.

8/ الشائع جدا هو الإصابة بالحمى بعد التلقيج، كيطرا بعد يومين من الفاكسان وكتمشي الحمى بعد يومين. لذلك باش ميتخلعش لي غايدير الفاكسان ياخد الباراسيتامول أو الإيبوبروفين.

9/ الوقت باش ترجع الحماية لراسك بعد اللقاح، تقدر ب سيمانا تا لجوج، لكن الدليل كيقول بلي التوقيح المحدد لأي لقاح ضد فيروس كورونا مرتبط بنوع اللقاح.

10/ لي عندهم أمراض المناعة الذاتية ولا الحساسية الموسمية والحساسية الغذائية غايديرو  اللقاح. ماشي مشكل. وحتى لي عندهم نقص المناعة (حاليا مزال مكايناش دراسات علمية دقيقة).

11/ إذا كنتي من المخالطين خاص تأجل التطعيم (عملية التلقيح). حتى دير التيست.

12/ باقي تيست pcr معمول به فالسفر واخا كاين الفاكسان.

13/ مكاينش لي يضمن ليك بأنك مغاديش تقاس بالفيروس واخا دير الفاكسان، غير المعلومات الحالية تشير إلى أن اللقاحات التي تطويرها فيها فعالية بنسبة فايتا 90 في المائة.

موضوعات أخرى

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه