الرئيسية > آراء > معلم وبرلماني لي من المفروض أنهم النخبة وخاص يكون همهم هو الوطن هاهوما شوهوا بلاد على قدها وعاودو حياو الجرح ديال عملية شمهروش الإرهابية لي باقي مابراش، وعاودو رسخو فكرة أن المغرب بلاد خطر للمرأة خصوصا الاوروبية
09/08/2019 15:00 آراء

معلم وبرلماني لي من المفروض أنهم النخبة وخاص يكون همهم هو الوطن هاهوما شوهوا بلاد على قدها وعاودو حياو الجرح ديال عملية شمهروش الإرهابية لي باقي مابراش، وعاودو رسخو فكرة أن المغرب بلاد خطر للمرأة خصوصا الاوروبية

معلم وبرلماني لي من المفروض أنهم النخبة وخاص يكون همهم هو الوطن هاهوما شوهوا بلاد على قدها وعاودو حياو الجرح ديال عملية شمهروش الإرهابية لي باقي مابراش، وعاودو رسخو فكرة أن المغرب بلاد خطر للمرأة خصوصا الاوروبية

محمد سقراط-كود///

الجرح ديال ذبح جوج سائحات فشمهروش باقي مابراش، والبلاد والعباد باقي مانساوهش، وخاص بزاف باش ترجع الأمور لمجاريها وباش المرأة سواء المغربية أو الاجنبية ماتحسش براسها مهددة فالفضاء العام، ويمكن ليها تجول بحرية، خصوصا أن العملية الإرهابية كانت معاها تعليقات مؤيدة وخلية كبيرة وفيديو مرعب بقا كيدور شحال، والأصوات ديال الضحايا باقا كتردد فوذنين بزاف ديال الناس بمجرد يتذكر حداهم التخييم والسياحة الجبلية ولخلا فالمغرب، ومع ذلك باقين مبادرات ديال أجانب وأجنبيات كيجيو للمغرب وكيتحداو الخوف باش يبينو أن ديك العملية راها معزولة ومعندها علاقة بالسكان ديال دوك المناطق لي قمة الطيبوبة والترحيب وعايشين وواكلين شاربين مع السياح.

مراهقات بلجيكيات خلاو بزاف ديال الأنشطة لي يمكن يديروها وجاو للمغرب يضربو الكورفي التضامني ومنها يتعرفو على ناس المنطقة وعلى ثقافة مغايرة ومستوى معيشي مختلف، واليديهم سيفطوهم بحال كل عام وكلهم ثقة في الأمن والأمان ديال المغرب، المغاربة براسهم راه ميخليوش بناتهم مراهقات يمشيو لتم فعطلتهم الصيفية ويضربو الكورفي فديك الشموش، وآشنو كان الجزاء ديالهم، حملة تشويه وتهديد بالذبح لي جاي من بعد عملية ذبح حقيقية باقا ماتنسات تدارت لسائحات، وبرلماني كيعتابرهم تهديد لثقافة المنطقة ويخلي كولشي ويهدر غير على الشورط كعادة أي خوانجي كيعتابر أي طرف ديال اللحم ظهر من المرأة راه تهديد للمجتمع، علما أن المجتمعات المتخلفة الغارقة فالمشاكيل هي لي فيها العيالات مكيبان فيهم والو.

معلم وبرلماني لي من المفروض أنهم النخبة وخاص يكون همهم هو الوطن هاهوما شوهوا بلاد على قدها وعاودو حياو الجرح ديال عملية شمهروش الإرهابية لي باقي مابراش، وعاودو رسخو فكرة أن المغرب بلاد خطر للمرأة خصوصا الاوروبية، البلاد كلها توحدات من أجل التغلب على هاد الكارثة ديال الإرهاب لي كتعطي صورة غير صحيحة نهائيا على المغاربة وعلى طيبوبتهم وكرمهم لي معروفين بيه فالعالم، ويالله البلاد كتبدل مجهود باش تداوي الجرح، كيظهر برلماني في تدوينة فيها الكثير من التحذلق والفهامات كعادة أي خوانجي وعاونوا معلم وردمو كاع داكشي لي داروه المغاربة كدولة وشعب، وعاودو شوهونا وعاودو خوفوا العالم منا.

موضوعات أخرى

28/03/2024 22:15

لاگوارديا سيپيل شدو جهادي صبليوني من أصل مغربي نشر رسائل مشفرة لدعم داعش وشروحات حول كيفية تصنيع المتفجرات

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية