الرئيسية > آراء > مصيبة مع هاد الأمهات الحمقات لي ولاو يخرجو يطلبو الاساتذة باش يخليو ولادهم ينقلو ! و يخاصمو على الوزير حيت حقا ما حقا ” الامتحان صعيب” ! و مالك آ لالة يصحابك ولدك معروض للزدحة ؟! راه الامتحان هوا هاداك باراكا ماتبررو الفشل د ولادكم و تلغيو عليهم المسؤولية راه بسباب التربية العوجة باش ماعمرنا نطفروه
09/07/2020 19:00 آراء

مصيبة مع هاد الأمهات الحمقات لي ولاو يخرجو يطلبو الاساتذة باش يخليو ولادهم ينقلو ! و يخاصمو على الوزير حيت حقا ما حقا ” الامتحان صعيب” ! و مالك آ لالة يصحابك ولدك معروض للزدحة ؟! راه الامتحان هوا هاداك باراكا ماتبررو الفشل د ولادكم و تلغيو عليهم المسؤولية راه بسباب التربية العوجة باش ماعمرنا نطفروه

مصيبة مع هاد الأمهات الحمقات لي ولاو يخرجو يطلبو الاساتذة باش يخليو ولادهم ينقلو ! و يخاصمو على الوزير حيت حقا ما حقا ” الامتحان صعيب” ! و مالك آ لالة يصحابك ولدك معروض للزدحة ؟! راه الامتحان هوا هاداك باراكا ماتبررو الفشل د ولادكم و تلغيو عليهم المسؤولية راه بسباب التربية العوجة باش ماعمرنا نطفروه

سهام البارودي – كود//

مصيبة كبيرة مع هاد الامهات لي ولينا كانشوفوهم خارجين بفيدوات فوسائل التواصل الاجتماعي ! كلهم كاينوحو و يبكيو حقا ما حقا ” الباك صعيب” ” الماط شحرو معاهم” “الاساتذة مزيرين ” “ماتساعدوش مع الوليدات” !
آش هاد النيفو د الكالاخ لي واصلين ليه هاد الامهات لي كايبررو الفشل الدراسي د ولادهم بهاد الطريقة و كايطلبو من الاساتذة “يتساعدو” مع الدراري و يخليوهم ينقلو !

واش هادو هوما الامهات لي غاتعول عليهم يعلمو لولادهم القيم لي كاتبنى عليها الحياة ؟ قيمة العمل و البذل و الاجتهاد و الوقت و قد البوسة قد القرصة و لي بغا الزين يصبر لتقيب الودنين و ( لي بغا الباك يوجد ليه على بكري) ؟
هادو هوما الامهات لي غايعلمو ولادهم بلي النجاح كايبغي تامارا و الفياق بكري و الحياة ماكاتجيش بالساهل  مصيبة كبيرة هادي انه ماليات العقل ماعندهم عقل !راه  هاد النوع هوا لي فاش ماكاتجوجش ليها البنت كاتقوليك ” دايرين ليها الديار ! ساحرين لبنيتي حبيبتي ! زوينة و حادگة و ماعندها زهر الله ياخد فيهم الحق” و فاش ولدها كايسقط فالباك كاتقوليك ” حسدوه ! تابعينو ! وليدي حبيبي الله ياخد فيهم الحق” و فاش كايقلب راجلها الطوموبيل فشي فيراج كاتقوليك ” تبعووووه بالعين مساخيط الواليدين الله ياخد فيهم الحق! شافو الله بملوكو ماشافو عبد مشرط حنوكو ”

مهم ديما الديفو من الآخر و العيب من الآخر و الآخر هوا لي مسؤول على الفشل ديالها و ديال ولادها ! ماكايناش عندها شي حاجة سميتها المسؤولية الفردية!

الامهات لي كايطلبو المعلم باش مايخاصمش على الدري لاماصايبش التمرين ! و كايزاوگو البوليسي يطلقو لادار شي زلة و يتعلقو فالباب ديال السطافيط !الامهات لي كايطيحو يتمرمدو فبيبان الكوميساريات ! الامهات لي كايمشيو يبوسو الريوس ديال عباد الله فاش ولدهم كايدير شي مصيبة ! حتى كايخرجو لينا اجيال ديال الفاشلين و الفاشلات تحت رعاية الامهات ديالهم.

راه نتوما لي الله ياخد فيكم الحق على هاد النماذج لي كاتولدو و تربيو و طلقوه فالزناقي كايوحل معاهم المجتمع و الدولة و المواطن !كلشي كايخلص الضريبة د التربية الغير السليمة لي كاتعطيو لولادكم الله ياخد فيكم الحق !

موضوعات أخرى

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه