الرئيسية > كود سبور > مصور المنتخب رجاوي. فاخر تدريب متبع غير رحيمي اللي ما كيلعبوش وحيد – تصاور
27/01/2022 07:00 كود سبور

مصور المنتخب رجاوي. فاخر تدريب متبع غير رحيمي اللي ما كيلعبوش وحيد – تصاور

مصور المنتخب رجاوي. فاخر تدريب متبع غير رحيمي اللي ما كيلعبوش وحيد – تصاور

مصطفى الشاذلي – كود سبور ///

واش مصور الجامعة الملكية لكرة القدم والمنتخب المغربي لكرة القدم ولا كيدافع على لعابة بعينهم. فاخر تدريب داروه الاسود فياوندي استعدادا لربع النهاية ضد المنتخب المصري الاحد الجاي فكأس افريقيا للامم٬ ركز بزاف على لعاب ما عندو قيمة كروية فهاد المونديال الافريقي.

الامر يتعلق باللعاب رحيمي اللي كان فالرجا ومشى للامارات. هاد المصور ديال المنتخب والجامعة الملكية المغربية لكرة القدم. فمن اصل 13 صورة رسلوها للي مكلفين بالتواصل فالجامعة للصحافة ونشروها فصفحات المنتخب فوسائل التواصل الاجتماعي٬ كاينة 4 تصاور لرحيمي. حتى لعاب فالمنتخب بما فيهم النجوم والاساسيون ما كان عندو هاد الزهر اللي عند رحيمي.

دابا المصور او اي واحد مع المنتخب خاصو يكون عندو توازن فكلشي. حتى مع النجوم خاصو يقلل منهم ويصور صور تعطي صورة على الاجواء الكاملة ماشي على اللعابة اللي عزاز عليه. المشكلة ان رحيمي ما داخلش فتشكيلة المدرب وحيد خاليلوزيتش.

هاد المدرب كيلعب مهاجمين قادرين يكونو فالهجوم ويرجعو يدافعو.

قبل كان شي حد ف”بيين سبورت” القطرية سول المدرب وحيد خاليلوزيتش علاش ما كيدخلش رحيمي. سؤال غبي وصافي من واحد كيقدم راسو متخصص فالمنتخب. عارف وحيد وعارف اختياراتو من نهار جا للمنتخب.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه