نجوى المالحي – كود //

كيفما كان متوقع، ربح الكوبل ديال فاس اللي فيه غيثة و وديع لقب برنامج لالة العروسة 2021.

الكوبل مشهورين في انستكَرام وعندهم 260 ألف متابع والزوجة سبق ليها شاركات في برنامج سيدات شوبينكَ اللي كيدوز في دوزيم وربحاتو.

من الحلقة الاولى وبسبب الاهتمام الزايد بيهم كان متوقع أنهم يربحو، وهادشي اللي خلا بزاف المتابعين يتاهمو البرنامج بالغش.

في أول تعليق ليها البارح في الليل، ختارت غيثة أنها تحشي الهضرة وكتبات “واثق الخطى يمشي ملكا”، وهادشي زاد خلا الناس يكتبو تعاليق سلبية كثر.

https://www.instagram.com/p/CM8NjHVHXTu/?igshid=1icwkx69rkz64