عمـر المزيـن – مكتب الرباط//

البوليس ديال الفرقة السياحية بمدينة فاس، قرقب اليوم السبت، على واحد فالعمر ديالو 34 عام وعندو سوابق قضائية. هاد الموقوف متورط فواحد القضية تتعلق بالضرب والجرح بواسطة السلاح الأبيض وتهديد عناصر الشرطة وتعريض حياتهم للخطر.

وكانت عناصر الفرقة ديال السياحة قد تدخلت لتوقيف هاد المشركل على مستوى المدينة العتيقة، بناءً على واحد الروشيرش صادر فحقو من أجل الضرب والجرح العمديين بواسطة السلاح الأبيض، غير أنه أبدى مقاومة عنيفة وحاول تعريض حياة عناصر الأمن للخطر بواسطة ساطور من الحجم الكبير.

وحسب بلاغ ديال المديرية العامة للأمن، توصلت به “كود”، فإن ضابطا للشرطة القضائية اضطر أمام هاد الوضع لإشهار سلاحه الوظيفي دون استعماله، وذلك بعدما تسنى تحييد الخطر وتوقيف المعني بالأمر