وكالات //
أكد المحامي، أشكان مهرياري، وفاة الرابور الميريكاني “ليل لودد Lil Loaded”، اللي سميتو الحقيقية هي “داشاون موريس روبرتسون Dashawn Maurice Robertson”. مات و فعمرو 20 عام فقط.
لحد الآن سبب الوفاة مازال مامعروفش، وخبر وفاتو دارت ضجة في الأنترنت، و الغالبية بقا فيهم الحال حيت مات صغير وكان المستقبل كلو قدامو.
وقال المحامي في بيان صحافي: “للأسف الشائعات صحيحة، الرابور روبرتسون مات نهار الأحد. كانت قدامو مسيرة موسيقية رائعة”.
الرابور تشهر في وقت قصير، وكان قبل شهرتو متهم في جريمة قتل و كانت عندو مشاكل قضائية.