وكالات //

حكمات محكمة مصرية بالحبس ضد طبيب وهو فنفس الوقت أستاذ مساعد فلافاك ديال الطب البيطري بـ6 شهور ومعاها خطية، بعدما قتل 60 فار كوباي (فيران التجارب) باش ينتاقم من السيدة اللي كتقري معاه فنفس المؤسسة ويخسر ليها بحوث الماستر ديالها اللي خدامة فيه على هاد الفيران فلابوراطوار ديال الكلية.

البوليس توصلو بشكاية ديال الأستاذة “هاجر. م” ضد زميلها “رمضان. أ”، واتاهماتو بللي حط مادة مسمومة لفيران تجارب باش يخرج ليها على تجاربها البحثية، وبهادشي تسبب فقتل 60 فار بعدما دار ليهم مادة سامة فالأرض والقفوصة وحتى فالما اللي كيشربو.

https://m.youtube.com/watch?v=vQOuVKGx8HY

ومللي كانت الباحثة “هاجر”، فقسم الباثولوجيا (علم الأمراض) فلافاك ديال الطب البيطري التابعة لجامعة “جنوب الوادي” فمدينة قنا (جنوب مصر)، وسط لابوراطوار مع مسؤول فالكلية لاحظات وجود مادة سامة فالقفوصة الداخل واكتاشفات الفيران ميتين.