الرئيسية > ميديا وثقافة > مسلسل “الجاسوس” على الجاسوس الإسرائيلي المعروف إيلي كوهين تصور فكازا ومدن اخرى واستثمر 95,5 مليون درهم فالمغرب
13/09/2019 09:00 ميديا وثقافة

مسلسل “الجاسوس” على الجاسوس الإسرائيلي المعروف إيلي كوهين تصور فكازا ومدن اخرى واستثمر 95,5 مليون درهم فالمغرب

مسلسل “الجاسوس” على الجاسوس الإسرائيلي المعروف إيلي كوهين تصور فكازا ومدن اخرى واستثمر 95,5 مليون درهم فالمغرب

اسماء غربي – كود//

بدا هاد الايام عرض مسلسل “The Spy – الجسوس”، اللي من إنتاج مشترك بين شبكة Netflix وقناة +Canal الفرنسية، واللي كيعاود قصة الجاسوس الإسرائيلي إيلي كوهين اللي معروف بعميل الموساد البارز، كانت مهمتو التجسس على سوريا في الستينات ديال القرن اللي فات وقدر يولي صديق الرئيس السوري محمد امين الحافظ، والمعلومات الاستخبارية اللي جمع ساهمات فنجاح إسرائيل فحرب 1967.

المسلسل لي فيه 6 ديال الحلقات ومن تأليف وإخراج جيديون راف، وبطولة الممثل النگليزي ساشا بارون كوهين تصور في المغرب.

وتم تصوير اغلب أحداث المسلسل فكازا ومدن اخرى، لمدة ستة اشهر، حسب ماقال جيديون راف مخرج المسلسل لـForbes، مضيفا: “اسمتعت بإقامتي فالمغرب، جاني مكان سحري، وكانت تجربة مدهشة حول كيفاش يمكن للفن أن يجمع الناس.. ليكيب ولات بحال شي عائلة كبيرة، ومازال لدابا كنتصافطو الميساجات”.

وفق مصدر رسمي لـ”كود” فان المسلسل تصور ما بين 2016 و2018 فكازا، والشركة المغربية اللي خدمات معاهم هي “اگورا”. جميع الكومبارس وادوار ثانوية عندها اهميتها مثلوها مغاربة، دور احد تجار دمشق مثلو المخرج الممثل احمد بولان.

وحسب مصدر رسمي لـ”كود” فان المسلسل استثمر في المغرب 95,5 مليون درهم.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه