مقرب من رئيس مجلس النواب ل”گود”: التمثيل النسبي والدستور كيعطي الحق للاتحاد الاشتراكي لرئاسة لجنة العدل والتشريع
كود الداخلة ////
صلاح الدين مزوار وزير الخارجية السابق والرئيس السابق لـ”الباطرونا” كيتحرك هاد ليام فالداخلة، وكيستعد وفق ما كشفه مصدر مأذون لـ”كـود” لإطلاق مشروع سياحي فندقي ضخم فالمدينة، داخل فيه شريك مع جوج ديال رجال أعمال صبليون.
وحسب مصدر “كـود” فإن صلاح الدين مزوار أنشأ نهار 12 شتنبر 2020 شركة مقرها فمدينة الداخلة، سميتها CEDITRIUM BUSINESS، داخل فيها بشريكتو لي مقرها فكازا وسميتها K TRIUM INVEST &
ADVISORY مع جوج ديال رجال أعمال صبليون كبار، ولي هوما وفق المعلومات لي حصلات عليها “كـود”، “سالفادور مورينو كونزاليس ألير” و”مانويل راين ريدوندو”.
هاد الشركة لي داير مزوار وصحابو الصبليون فالداخلة رأسمالها حسب سجلها التجاري مليون درهم.
صلاح الدين مزوار وصحابو الصبليون حصلو على هكتارات الأراضي لي غيتشيد فوق منها المشروع السياحي.
المدينة كتعطي اراضي وباثمنة مزيانة للي يبغي يجي يدير استثمارات. مشاريع كثيرة بانت هاد ليام