نجوى المالحي-كود//

لأول مرة المغربية مريم حسين لي مستقرة في دبي توجهات ليها دعوة رسمية باش تحضر في مهرجان السينما في مراكش لي بدا البارح في الليل ودازت من الطابي روج ولبسات قفطان مغربي بلمسة عصرية.

مريم لي ديما هي حديث الصفحات الانستكرامية في الخليج وكتدير البوز وكتلفت الانتباه ليها بتصرفاتها، اعترفتت أنها عزيز عليها الجرأة وكتبغي الناس يدويو عليها حيت هادشي كيبين أنها حاضرة واقعيا وافتراضيا.

وقالت بنت أكادير أن الانتقادات مكيحركو فيها نفسيا والو وانها ديما فرحانة وناشطة وقد ما انتاقدوها الناس قدما كتزيد تفرح.

ومريم حسين معروفة في الخليج كثر من المغرب ومعظم المتتبعين ديالهما سعوديين وطليقها حتى هو سعودي.