نجوى المالحي- كود//
هند التازي، مرات المغني حاتم عمور كل مرة كتبعث رسائل تشجيع لمرضى السرطان بصفتها واحدة من النساء المصابات.
من باريس فين كان حفل راجلها حطات تصويرة دايرة طربوش كبير على راسها وكتبات كلمات كاملة تشجيع وفيها بزاف ديال التفاؤل وقالت “السرطان خاصو المقاتلة، وباش الواحد يفوز خاصو يكون مسلح بالشجاعة والأمل والإيمان”.
كلمات هند لي عندها 241 ألف متابع فانستگرام، وصلات لـ34 ألف لايك، وتفاعل معاها 400 واحد وكلشي شجعها باش تكمل الحرب وتكون هي الفائزة على هاد مرضها.
