الرئيسية > آش واقع > مراكش آسفي سجلات 49 حالة.. وهكذا توزعات 115 إصابة جديدة بكورونا على باقي الجهات
10/07/2020 14:00 آش واقع

مراكش آسفي سجلات 49 حالة.. وهكذا توزعات 115 إصابة جديدة بكورونا على باقي الجهات

مراكش آسفي سجلات 49 حالة.. وهكذا توزعات 115 إصابة جديدة بكورونا على باقي الجهات

عفراء علوي محمدي- كود//

جهة مراكش آسفي هي اللي سجلات أكبر عدد دالإصابات بفيروس كورونا المستجد هذ الصباح، بحيث سجلات 49 حالة، ووصل الطوطال فيها ل2714.

بالنسبة للجهات الأخرى، فماسجلاتش بزاف دالإصابات، باستثناء جهة كازا سطات وطنجة تطوان الحسيمة والعيون الساقية الحمرا اللي سجلو 18 إصابا لكل وحدة فيهم، ووصل عندهم مجموع الإصابات ل3827 و2899 و795  على التوالي.

بينما جهة الرباط سلا القنيطرة وجهة كَلميم وادنون سجلو 4 إصابات، ووصل فيهم المجموع ل2031 و135 على التوالي، أما جهة فاس مكناس فوصل مجموع الإصابات فيها ل1674، بعدما سجلات اليوم جوج إصابات.

أما الجهات الخمس اللي بقاو، جهة درعة تافيلالت، والجهة الشرقية، وجهة بني ملال خنيفرة، وجهة سوس ماسة، وجهة الداخلة واد الذهب فماسجلوش إصابات جديدة، وبقى المجموع دالإصابات فيهم مستقر ف586 و248 و164 و97 و16 على التوالي.

وكيف العادة “كود” غتوافيكم بتفاصيل كثر على الحالة الوبائية لكورونا فالأقاليم والجهات فالمساء.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم