الرئيسية > آش واقع > مدير مديرية الأوبئة: مكاينش كورونا فالمغرب وإلى ما جاش الخبر من الوزارة راه غير إشاعة
27/02/2020 13:15 آش واقع

مدير مديرية الأوبئة: مكاينش كورونا فالمغرب وإلى ما جاش الخبر من الوزارة راه غير إشاعة

مدير مديرية الأوبئة: مكاينش كورونا فالمغرب وإلى ما جاش الخبر من الوزارة راه غير إشاعة

عفراء علوي محمدي- كود//

قال محمد اليوبي، مدير مديرية الأوبئة ومحاربة الأمراض، بللي الوزارة فحصات الحالة ديال 19 لمشتبه بأصابتوم بفيروس كورونا المستجد، ونتائج الفحصات كلها خرجات سلبية، وبالتالي “لحد الساعة ماعندناش كورونا، والمشتبه فيهم عندهوم نزلات برد عادية”، وفق تعبيرو.

وحذر وزاد اليوبي، فندوة صحافية لوزارة الصحة، اليوم الخميس بالرباط، من تصديق الإشاعات اللي كتروج حول إصابة مواطنين بكورونا، على اعتبار أن الوزارة هي اللي ممكن تخرج بلاغ رسمي بهذ الشأن، وأكد بللي الوزارة مايمكنش تخبر الرأي العام فكل مرة دارت تحليلة معينة على شخص ما”.

وكشف اليوبي، فالندوة اللي حضر ليها الإعلام الرسمي فقط، وتبثات فصفحة الوزارة ف”فيسبوك”، بللي التحليلات كتتطلب من 3 حتى ل4 ساعات باش يتم الكشف عليها واش سلبية ولا إيجابية، وبالتالي كيقول بللي الوزارة خاصها الوقت باش تأكد أو تنفي.

وأكد المسؤول بللي موقع الوزارة كيتحين بشكل يومي، وكيتضمن جميع المعلومات والبلاغات اللي كتهضر على الوضعية الوبائية فالمغرب بعد انتشار كورونا، وعدد الحالات اللي تم فحصها بعد انتشار.

وكشف بللي مئات الحالات كيتم مراقبتها بشكل يومي فالموانئ والمطارات والنقط البرية باش يتحققو بإصابتها بالمرض أو لا، فإطار تفعيل المخطط الوطني للتصدي لداء “كورونا” المستجد.

واليوم فالعشية، وزارة الصحة غادي تعقد ندوة اخرى للصحافة الإلكترونية غير الرسمية، باش تجاوب على أسئلتهم حتى هوما فالموضوع.

موضوعات أخرى

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه