كود الرباط///
كشف مواطنون يعانون من أعراض فيروس كورونا بعاصمة سوس، بأنهم يتصلون بالمختبر الوحيد لي كايدير تيست ديال كوفيد في اكادير وفي جهة سوس كلها ولامن مجيب، بعد ورود شكايات على الموقع لمواطنين من مدن قريبة من اكادير بغاو ياخذو رونديفو باش ايديرو التيست ولامن مجيب!
وتقول مصادر محلية :”واش هاد الناس بغاو غير ادخلوا لفلوس على ظهر الشعب المريض! دابا لي بغا ادوز التيست في هاد اللابوار خاص اتبع الطرق التقليدية وامشي على رجليه وايقولوليه سير حتا تجي راه الدنيا عامرا”، موضحا :”اضعف الايمان ايديرو شي موظف مكلف بتنسيق الرونديفوات لعباد الله لي بغاو ايجيو من مدن بعيدة”،
وتشهد جهة سوس ارتفاعا في الحالات في مدن اكادير انزكان ايت ملول وتارودانت وفئة قليلة هيا لي كادير او عندها امكانيات دير تيست.
وكانت وزارة الصحة المغربية منحت الترخيص الرسمي لمختبر “محفوظ” للتحليلات الطبية الشهير بمدينة أكادير، الذي يديره الدكتور محفوظ سمير للكشف عن فيروس كورونا بأكادير و بجهة سوس.
