عمـر المزيـن – مكتب الرباط//

اهتزت جماعة مكناسة بتازة البارح فالعشية على وقع جريمة قتل، مسخوط الوالدين ضرب امو بروسية على ود الماكلة سلا أجلها.

هاذ المسخوط سبق ليه دوز ثلاث اشهر السنة الماضية ديال الحبس لاعتداء على الأم ديالو وباه قبل ما تنازل ليه الأم.  والخميس لي فات ولا ضربها ومشات دكلارات بيه لكن ولات تنازلات ليه من جديد.

البارح مع الخامسة ديال العشية دخل للدار وملقاهاش مخليا ليه الغداء مع الجوع ديال البلية والسيد مولف كيضرب امو نزل عليها برأس جابها حبل وبونت.

وبأمر من القائد الجهوي عمل قائد سرية المركز الترابي ديال الجوندارم بتازة وتحت إشراف رئيس المركز تحزمو ليه ومشاو سيفيل وقبل ما يطيح الظلام ويهرب كما كان ناوي قرقبو عليه.  وبأمر من الوكيل العام حطوه تحت تدابير الحراسة النظرية.