محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008
كود سبور//
قرر محسن متولي القائد السابق ديال الرجاء الرياضي يلجأ إلى غرفة النزاعات فالجامعة الملكية المغربية لكرة القدم للحصول على المستحقات ديالو من الفريق الأخضر، من بعدما مالقاش تجاوب ودي من طرف المكتب المديري ديال عزيز البدراوي لحل المشكل.
وكشفت مصادر مطلعة أن محسن متولي اللي سبق له أشعر المكتب المديري ديال الرجاء من خلال مراسلة فوقت سابق بضرورة حل المشكل معاه بخصوص المستحقات ديالو اللي كتبلغ حوالي 400 مليون، لكن ما وجدش تجاوب من مكتب عزيز البدراوي، فكان مضطر إلى وضع شكاية عند الجامعة الملكية المغربية لكرة القدم، واللي راسلت نادي الرجاء الرياضي من أجل حل القضية مع اللاعب عن طريق لجنة النزاعات التابعة لها.
وكان نجم الرجاء الرياضي محسن متولي المنتقل للدوري الليبي، شعر إدارة النادي بالرغبة ديالو فالحصول على المستحقات ديالو المالية اللي كايتسال للفريق أو اللجوء للطرق القانونية لذلك، مع العلم أن مطالبة محسن متولي بالمستحقات ديالو اللي كيتسال الرجاء دارت جدل كبير وسط جمهور الفريق بين متعاطف معه وبين معارض له.