كود هناء ابو علي ///

بعد اسابيع من تعيين شكيب بنموسى مكلفا باللجنة للي غادية توجد المشروع التنموي الخاص بالمغرب خرج تقرير الامم المتحدة ل2019 باش يفيقنا عاود تاني على حقيقة خايبة. المغرب جا فالرتبة 121 من اصل 189. سابقانا تونس والجزائر وفلسطين والعراق جاو احسن منا.

هاد التقرير دار مقارنة بين 189 دولة بناء علي الدخل الفردي ولقراية والصحة والخدمة ووضعية لمرا. المغرب فامور مزيان وفامور خاصو الخدمة.

المغرب كان معول هاد العام يهبط على لميا. العام اللي فات جا فالرتبة 123 وهاد العام ولى 121 كاين تقدم ولكن كيمشي بحال شي فكرون.

الغريب ان المغرب كان مزيان قبل وكان من المائة كاع ولكن هادي سنوات وهو اللاور اللاور. خاصو خدمة بزاف. اقرار فشل هاداك الشي ديال التنمية البشرية يمكن بدية لتصحيح الوضع.