ورقة صاوبها گوتيريش حول نزاع الصحراء للجنة الرابعة: دي ميستورا تلاقى ناس الصحرا وأكدوا دعمهم لجهود المغرب التنموية وبغاو الحكم الذاتي. الجزء 2
وكالات //
خلقات مانكان تونسية سميتها “حنان العش” ضجة كبيرة بعدما قالت أن الكوايري البرتغالي كريستيانو رونالدو تحرش بها لكن هي ماتسوقاتش ليه.
وقالت السيدة فحوار فبرنامج تلفزيوني تونسي، أن رونالدو صيفط ليها ميساجات فـ”واتساپ” وهي ماجاوباتوش وخلاتو منشور.
من بعد “واتساپ”، عاود صيفط ليها رونالدو ميساج فـ”أنستكَرام”، ولكن نخلاتو كيف قبل ومادواتش معاه.
الناس، كيف عادة الأغلبية فمثل هاد الحالات اللي كيدافعو على الطرف المشهور و النجم على حساب الآخر، ماتيقوهاش وطنزو عليها بزاف وقالو أنها كتقلب على الشهرة والبوز، لكن هي أكدات أن كلامها صحيح.
البرنامج التلفزوني اللي دازت فيه المانكان “حنان العش”، أصلا عليه هضرة كثيرة من عدد من النشطاء فمواقع التواصل الاجتماعي اللي كيتهاموه بتحقير وإهانة المرا وبللي كيلعب على الإثارة الخاوية و الضحك الباسل بلا معنى.