20/04/2024 03:00
60 طبيب جابوني غادي يدعيو “گوگل”.. تشكاو من التعليقات الخايبة وكيطالبو بتعويضات
كود هناء ابو علي ///
دابا بصاح غادية تعيش المعارضة الحالية مشكلة كبيرة. ظاهريا هاد المعارضة فيها كاع الاحزاب للي وصلات للبرلمان باستثناء الاحزاب التحالف الحكومي: الاحرار والبام والاستقلال. هاد الشي ظاهريا وصافي.
حقاش واخا تعلن البارح عن التحالف الثلاثي اللي غادية تتشكل منو الحكومة راه شي احزاب يستحيل تمشي للمعارضة وخطاب عزيز اخنوش رئيس التجمع الوطني للاحرار ورئيس الحكومة المكلف بتشكيلها على ضرورة الحفاظ على توازن بين الاغلبية والمعارضة ما غاديش تاخد بيه شي احزاب.
صعيب الحركة الشعبية تمشي للمعارضة. صعيب اكثر على الاتحاد الدستوري يلقى راسو فالمعارضة. قيادي من حزب العود =الاتحاد الدستوري= قال ل”كود” باللي الاتجاه العام هو مساندة الحكومة. واخا فالمعارضة؟ اييه٬ رد مصدر “كود” من هاد الحزب.
واضاف ل”كود” باللي غاديين يساندو مساندة نقدية حكومة عزيز اخنوش واخا ما مشاركينش فيها.
