عفراء علوي محمدي- كود//

راسلو مجموعة من الصيادلة وزير الصحة، خالد آين الطالب، باش يزود ليفارماسي بالوسائل الوقائية، بحال المطهرات الكحولية والكمامات الطبية، وباش ماتتحوش الصيدلية فظل هذ الوباء “لفضاء يقدر يولي مركز لتنقل العدوى”، كيف قالو.

وأكدات الفيدرالية الوطنية لنقابات صيادلة المغرب، فمراسلة ليها، بللي ليفارماسيان ولاو دابا عاجزين على إيجاد هاذ الوسائل الوقائية باش يحميو راسهم ويحميو المستخدمين ديالهم، قبل ما يوفروها لعموم المواطنين.

وقالت النقابة بللي أعضاءها ملتزمين باش يخدمو مع الوزارة فإطار تشاركي، وباش يحاصرو الوباء بشكل فعال وآمن، وبالتالي طلبو منو باش يستجب للملتمس ديالهم فأقرب وقت، “لخطوة واستعجالية الظرفية”، كيف وصفوها.