عمر المزين – كود //
المكتب السياسي لحزب الأصالة والمعاصرة عقد الاجتماع ديالو ككل سيمانة برئاسة عبد اللطيف وهبي الأمين العام. قيادة “التراكتور” تجاهلت موضوع مهم وهو قضية الساعة وكلشي كيهضر عليه.
قيادة “البام” رفضات تعطي موقف أو حتى تهضر على القرار الذي أصدرته وزارته بخصوص تحديد السن الأقصى لاجتياز مباريات ولوج مهنة التدريس في 30 سنة. هاد الموضوع منوض نقاش عند كلشي ونوض احتجاجات أيضا وها اللي مع وها اللي ضد. نقابات وأحزاب وجمعيات عطات موقف.
المكتب السياسي ديال حزب “البام” هضر غير على احتفالات عيد الاستقلال والوضعية الوبائية فبلادنا وعلى ارتفاع أسعار بعض المواد الغذائية وقانون المالية 2022 وقضايا تنظيمية داخلية ديال الحزب. هذا ماكان وتجاهلو موضوع خلق نقاش عمومي.