كود احمد الطيب ///

عبر عثمان بنعبد الجليل مالك “بوبيليك ايفانت” عن تقليقة كبيرة. وقال فاتصال مع “كود” باللي ما تنشر بخصوص خدا مارشي بناءصبيطار من 700 ناموسية فالمعرض الدولي فكازا كذوب وفايك نيوز

بنعبد الجليل قال ل”كود” باللي اولا المارشي ما شرفاتش عليه “كازا ايفنت” اللي كيديرها محمد لجواهري بل كازا للاسكان والتجهيز

وأكد باللي هاد الجهة طلبات من شركات ليڤيمانسيال يتقدمو بعروض وكانت مشاورات وعيطو على “بوبليك ايفنت” بحال شركات اخرى وبعداتصلو بينا حنا وأكثر من 15 شركة اخرى خدامة فهاداك المشروع ماشي غير بوحدنا.

بنعبد الجليل وضح ل “كود” باللي شركتو عندها غير 6 مليون درهم من مجموع ما كاين فالمشروع “اكثر من هاد الشئ باش خدات الشركةالمشروع ب7 مليون درهم كانت مساهمتنا فهاد الصبيطار حبا لبلادنا مليون درهم. هادي حنا عطيناها بكل فرح”

وأكد بنعبد الجليل ل”كود” باللي هاد المشروع درناه لبلادنا وباللي عندنا مساهمات درناها دعما للاسر اللي ما فحالهاش وباللي هاد الشئما غاديش نعلن عليه ولا نقولو. درتو حقاش مآمن بيه. كنعاون بلادي فالسكات