كريم الشركي – كود //

“تريس كولتوراس”، أو مؤسسة الثقافات الثلاث، اللي تأسسات عام 1998 بين ملك المغرب ونظيره الاسباني، علنات البارح على اندماجها مع جوج مؤسسات اخرين، هوما “بارينبويم-سعيد”، و “ليكَادو اندالوسي”، وهوما مؤسستين ثقافيتين تابعتين لحكومة الاندلس.

الاعلان ماوضحش واش مجلس ادارة “تريس كولتوراس” غادي يبقى على حاله، وغايبقى المغرب اللي كيدعم هاد المؤسسة بفلوس صحيحة، كيصوت على الرئيس، وماوضحش واش تم التنسيق مع المغرب فهاد الخطوة.

ولكن حسب وسائل اعلام اسبانية، أن المؤسسة الأصلية غاتبقى هي تريس كولتوراس، والمؤسستين الاخرتين دخلوا فيها، وغايكون تصويت المغرب ضروري على الرئيس ديال المؤسسة، كما ان المستشار الملكي اندري ازولاي هو الرئيس المنتدب للمؤسسة.