الرئيسية > آش واقع > مؤتمر استثنائي للإطاحة بيه. وزيان لـ”كود”: شغلهم هذاك ويضبرو لراسهم.. والدعوى القضائية غادية فالطريق
06/01/2021 14:30 آش واقع

مؤتمر استثنائي للإطاحة بيه. وزيان لـ”كود”: شغلهم هذاك ويضبرو لراسهم.. والدعوى القضائية غادية فالطريق

مؤتمر استثنائي للإطاحة بيه. وزيان لـ”كود”: شغلهم هذاك ويضبرو لراسهم.. والدعوى القضائية غادية فالطريق

عفراء علوي محمدي- كود//

رفض المنسق الوطني للحزب المغرب الحر، اللي تم تجميد صلاحياتو مؤخرا من طرف المجلس السياسي للحزب “رفض” التعليق أو الإدلاء برأيو بشأن المؤتمر الاستثنائي ديال الحزب، اللي غيتم فيه انتخاب منسق جديد، وممكن بالتالي يأذن بنهاية ولايتو اللي عمرات لمدة طويلة.

“كود” سولات زيان على رأيو فمخرجات دورة المجلس السياسي للحزب اللي انعقدات مؤخرا، واللي خلصات لضرورة عقد مؤتمر استثنائي، وعينات رئيس لجنتو التحضيرية، فكان الرد ديالو، فتصريح مقتضب: “هذاك شغلهم الله يعاونهم.. ماعندي حتى رد أو رأي”.

وزاد، فسؤالنا ليه واش هذ الناس عندهم مشروعية أو لا، بحكم أنه نفى فتصريح سابق ل”كود” يكون بعضهم كينتامي أصلا للحزب “إيوا نتوما اللي خاصكومو تشوفو وتعرفو وتستنتجو واش كاينة المشروعية ولا لا”.

وبشأن الدعوى القضائية اللي رفعها زيان، بصفتو منسق للحزب، بتهمة “انتحال صفة مسؤول حزبي والتزوير واستعماله”، على كل من عضو المكتب السياسي، إسحاق شارية، اللي علن مساندتو للحركة التصحيحية ومخرجات المجلس السياسي، وكذلك أعضاء الحركة لخرين، وهوما أنور بن بوجمعة والغليمي بناسف وحسان موساوي رئيس لجنة المؤتمر، قال زيان “الدعوى القضائية غادية فالطريق، وفاش غاتكون الجلسة اللولة غادي نتصلو بيكم”.

وكان سبق لزيان طرد كل من شارية وأنور بوجمعة من الحزب، لكن دورة المجلس السياسي للحزب رفضات قرارات الطرد وجميع الاستقالات اللي قدموها الأعضاء قبل.

موضوعات أخرى

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه