كود – وكالات //
طاحت شابة شينوية فعمرها 23 عاما على ارتفاع 50 مترو، وهي كاتصور فيديو لايڤ، من الكَروا (رافعة) كاتخدم كمشغلة ليها.
البنت كانت بغات تصور فيديو قصير تعرف فيه بالحياة المهنية ديالها، وتوري كيفاش كاتحرك وكاتخدم بـ الكَروا، قبل ما تزلق وتطيح وتموت فالبلاصة، والتيليفون ديالها فيديها.
وكانت الشينوية كاتهضر، فمواقع التواصل الاجتماعي، على خدمتها كمشغلة للرافعة من مدينة “تشوتشو” بمقاطعة “تشجانكَ” الشينوية، قبل ما يوقع هاد الحادث القاتل، نهار الثلاثاء اللي فات.
وقالو شهود العيان أن تيليفونها بقا فيديها، وبقى خدام ليها حتى وهي طايحة من السما، وهادشي كتأكدو مشاهد من اللايڤ اللي وثق عملية السقوط.
وقالت جريدة “دايلي ميل” البريطانية أن البنت الضحية عندها جوج وليدات صغار.
و الفيديو ديالها اللي بقا منشور فالأنترنت صادم شويا.