15 ألف شخص ماتو فعام واحد.. تقرير صادم على واقع الصحة النفسية في بريطانيا
الوالي الزاز -كود- العيون ////
دابا علاش نعطيو قيمة للبراني ونخليو ولاد التراب. هادشي عيب وبزاااف. فقد عاينت “كود” إقدام اللجنة المنظمة للمباراة الإستعراضية في العيون على عزل شيوخ وأعيان المنطقة على الحفل لي كاين صفة شبه كاملة ومنذ البداية.
الشيوخ والأعيان لي عندهم قيمة إعتبارية فالصحراء عزلوهم اولا فحفل الغذاء وداوهم لقاعة ديال الحفلات بلا ما يمشيوش للخيم لي منصوبة برا باش يتغداو مع الوفد الرسمي. وما معروفش علاش قبلو بحال هاد التصرف لي بلا معنى.
حتى فالتيران عزلوهم وعطاوهم بلاصة هامشية معزولين ايضا على الوفد الرسمي. هادشي كيضر بالمنطقة وكيعطي صورة ماشي تا لهيه على حدث وطني بامتياز خاص الكل يشارك فيه ولاسيما شيوخ المنطقة وأعيانها وفعيد وطني ماشي عادي.
هذا احتقار لفئة عندها وزن فالمنطقة وإستصغار ليها. واذا كنتو ما تبغيوهمش وغادي تهمشوهم. ما تبقاوش تجيبوهم للوفود الاجنبية لي كتجي فزيارات للعيون وما تقدموهومش للدبلوماسيين الأجانب.