بعد جلسة مجلس الأمن وزيارتو للجزائر.. بوگدانوڤ استقبل السفير المغربي فموسكو
عن ا ف ب ورويترز ///
لعرب عندهم ديما العاصمة النمساوية ڤيينا مرتابطة بالنشاط بالقصارة بالموسيقى الراقية بالرفقة الزوينة. من نهار غنات سماهان “ليالي الانس في ڤيينا” وهاد الصورة اللي عند لعرب.
صورة تغيرات ووصلو من اصول عربية خاصة من المشرق اللي كاينين فهاد لبلاد وطلع اليمين المتطرف وولى كيحكم كواحدة من نتائج سياسات الهجرة. يعني ما بقاش ليالي الانس فهاد لمدينة الرائعة. لكن ما كناش كنظو باللي هاد المدينة غادية تعيش ليلة دم. ليلة قتل.
البارح عاشت هاد الليلة. ساعات ومسلح قال وزير الداخلية النمساوي انو من انصار “تنظيم “الدولة الإسلامية” كيدور فاحياء المدينة هاز سلاحو وكيطلق القرطاس على اللي بان ليه.
وزير الداخلية اوضح هاد الصباح ان هاد الداعشي تقتل بعد ما قتل 3 البارح واضاف فمؤتمر صحافي “إنه شخص متطرف كان يشعر بأنه قريب إلى تنظيم الدولة الإسلامية”، فيما ارتفعت حصيلة القتلى جراء الهجوم إلى ثلاثة هم رجلان وامرأة بحسب آخر معلومات صادرة عن الشرطة أفادت عن وفاة رجل ثان متأثرا بجروحه
هاد المسلح كان هاز كلاشنيكوف واوهم كلشي باللي عندو حزام متفجرات بان فالاخير انو وهمي.
دابا كلشي مازال امور كثيرة ما بايناش. الشرطة قالت باللي ضربات 6 لبلايص. واش بنفس الشخص ولا اكثر من ارهابي.
مع لمحاين كتجي دقة وحدة. اليوم غادي يبدا اغلاق عام فهاد الدولة باش توقف عدو اخر هو “كورونا فيروس”.