كود الرباط//
لوبي الصيادلة كيتحداو مؤسسات الدولة وكيرفضو التقرير الرسمي الصادر عن المجلس الأعلى للحسابات، وتيشككو فالمصداقية ديال الارقام لي عطا خصوصا وأن التقرير قال بلي هامش الربح فبيع الادوية بالصيدليات وصل بين 47 تال 57 في المائة.
كونفدرالية نقابات صيادلة المغرب قالت بأنها بصدد التنسيق مع جميع المركزيات النقابية للمهنة من أجل خوض إضرابات وطنية شاملة، بإغلاق جميع الصيدليات.
وأضاف التجمع النقابي، في بلاغ رسمي أن “سمعة الصيدلاني المغربي باتت محط تشهير في كل المنابر الإعلامية الوطنية والعربية، وذلك بسبب التقرير السالف الذكر سوقت لأرقام وهوامش ربح للصيادلة”، مشيرة إلى أن تلك الأرقام ” لا أساس لها من الصحة”.
دبا للي نقل معطيات تقرير رسمي كيدير تشهير. نتوما عارفين ربحتو بزاف ف ـ”كوفيد” اللي ناس تالفة وكتقلب على دوايات وكتشريهم، ومكاينش شي فرماسيان معامرش، ومنهم صيدليات كيخبيو دوايات ومنهم اللي تورطو وعليهم احكام قضائية.
هاد اللوبي اليوم بان بلي كتهمو غير مصلحتو غير جيبو مبغاوش يتقاسو من الارباح الكبيرة للي كيحققو. دبال هاد القضية وصلت للبرلمان وكاينا مطالب باش وزير الصحة يتحرك اكثر، خصوصا وأن الوزير باغي هاد القطاع يتقاد وهاد اللوبي كيحاربو، وفق مصدر “كود”.
