وكالات //

كشف الوزير الأول الأسترالي أن بلادو غادي تعطي للمحاكم سلطة إصدار أوامر لعمالقة التكنولوجيا، موالين مواقع التواصل الاجتماعي، اللي غتفرض عليهم باش يكشفو على هوية الناس اللي كيكونو دايرين بروفيل مزور باش يسبو أو يهددو أو يشهرو بالناس في الأنترنت.

سكوت موريسون قال أنه كاينين بزاف ديال الجبناء كيدخلو الأنترنت ويبداو يتنمرو على بنادم وهادشي كيدمر حياة الناس، داكشي علاش أي واحد دار هاد الفعايل خاص يتعاقب بشكل صارم.

في أستراليا أي واحد تعرض للتنمر في الأنترنت يقدر يحط شكاية ويقدر بالقانون يعرف شكون الشخص مول الفعلة و بالتالي يتعاقب.