وكالات //
نجحات المحاولة الرابعة اللي دارتها وكالة الفضاء الميريكانية “نازا” (NASA) والخاصة بتجريب الصاروخ اللي ناوية تصيفطو للقمر بنسبة 90 في المية، كيف قالو خبرائها، لكن موعد إرسال الصاروخ مازال ماتحددش.
هاد التجربة هي اللخرة اللي دارت “نازا” قبل ما تصيفط مهمة “أرتيميس 1” (Artemis I) الفضائية المقررة هاد الصيف، وهي رحلة للقمر بلا مشاركة حتى شي أسترونوت (رائد فضاء).
الكَروبات اللي تابعة لمركز “كينيدي” للفضاء هي اللي دارت الاختبار اللي كان الهدف منو يعمرو ريزيرفوارات صاروخ “إس إل إس” بالفيول السائل ويبداو العد العكسي باش يطيرو,ط، ويديرو محاكاة الأحداث غير المتوقعة ثم من بعد يخويو الريزيرفوار.