كود الحسيمة//

ورروى جثمان والد محمد إحتارين اليوم الخميس في مقبرة بالحسيمة، بعدما مات نهار الأحد، لي فات في هولندا، بعد صراع طويل مع المرض.

وحضر مراسيم الجنازة فريد شوراق، عامل إقليم الحسيمة وفوزي لقجع، رئيس الجامعة الملكية المغربية لكرة القدم، لي قدموا واجب العزاء لأسرة اللاعب إحاترين وخوتو.

بزاف ديال المعزين حضروا الگنازة، منهم لي جاو من هولندا من أسرة الراحل، وفيهم لي مقيمين فالحسيمة من العائلة ديالو وجيرانو.

لقجع قرر يحضر شخصيا للگنازة باش يعزي أسرة اللاعب إحاترين، كما سبق ليه صيفت نور الدين النيبت وعزيز بودربالة لهولندا السيمانة لي فاتت باش يعزيو العائلة كاملة.

اللاعب إحارتين الموهبة المغربية تألق بشكل كبير هاد العام مع اندهوفن الهولندي، الشي لي خلا وحيد خاليلوزيتش يستدعيه للمنتخب المغربي، وحتا منتخب هولندا عيط ليه، لكنه مازال محسمش للمنتخب، لي غادي يلعب ليه مستقبلا.