مصر عايشين فالقرون الوسطى كثر منا.. النيابة العامة ديالهم شدات بلوكَوز مشهورة بسباب فيديوهات “خادشة للحياء”
كود- وكالات//
كشفو مسؤولين ديال الصحة فميريكان، أن لقاح جونسون آند جونسون ضد كوفيد-19 يقدر يتسبب فمرض عصبي نادر وخطير فشي حالات.
وحذرات وكالة الأدوية الأميركية من هذ المرض، وكشفات أنها رصدت “خطر متزايد” للإصابة بمتلازمة “غيلان باري”، عند أشخاص تلقاو هذ اللقاح.
وكشفات السلطات الصحية الأميركية أن مئة شخص تقاسو بالمتلازمة من أصل حوالى 12.5 مليون شخص تلقّوا هذا اللقاح.
وأضافت أنّه من أصل هؤلاء المرضى، مات واحد وأدخلو 95 للسبيطار.
وهذ المتلازمة هي حالة طبية نادرة يهاجم فيها الجهاز المناعي الأعصاب. وبمجرد ما كتنتشر هذ الأعراض حتى كيتقاس الجسم كلو بالشلل، ونسبة كبيرة من المصابين بيها كيدخلو للسبيطارات.
وتصابو شي وحدين من اللي خداو اللقاح بهذشي، ونسبة كبيرة منهم رجال فسن الخمسين فما فوق، وكيجيهم هذشي عادة بعد جوج سيمانات من التلقيح.