نجوى المالحي-كود//

شاركت المغنية ليلى البراق فيديو جديد على حسابها في انستكَرام مع الممثلة هند السعديدي وكتبت عليها ” لقاء جميل مع صديقتي الوفية والفنانة المبدعة والمحترمة هند السعديدي اللهم ادمها محبة”.

الفيديو بانت فيه هند السعديدي وليلى البراق كيتشابهو، وهادشي نيت لي قالت هند في الفيديو: “جينا كنتشابهو بحال شي خواتات، خاصنا غير نديرو شي فيلم بعنوان الخواتات”.

قضية الشبه بين الفنانتين أكدتها الممثلة سعاد خيي لي علقات ليهم على الفيديو بـ”جيتو كتشابهو”، وليلى بدورها سولات المتتبعين ديالها واش بصح كاين تشابه.

لي ما عارفينش بزاف هو ان هند السعديدي وليلى البراق كتجمعهم صحبة كبيرة من هادي سنين، واخا هادشي ما كيبينوهش على مواقع التواصل الاجتماعي، لأن اللقاءات بيناتهم قليلة، ولكن المقربين منهم عارفين طبيعة العلاقة.

View this post on Instagram

لقاء جميل مع صديقتي الوفية و الفنانة المبدعة و المحترمة @hindsaadidiofficial اللهم ادمها محبة و اخوة ????????????واش بصح كاين الشبه اشنو بان لكم ؟؟ ????????

A post shared by Leila El Berrak ليلى البراق (@leilaelberrak) on Oct 19, 2020 at 3:40am PDT