الخطابات المتطرفة قلقات بزاف الحركة النسائية: وزارة الأوقاف تتحمل المسؤولية ورئاسة النيابة العامة خاصها تحرك الدعوى العمومية
كود كازا ///
واش كان على قناة “الرياضية” تنقل ماتش خريبكة ضد طنجة البارح. النقل كان كارثي. القناة براسها دارت توضيح فيه انه “في انتظار إصلاح موقع الكاميرا الرئيسية في ملعب الفوسفاط بخريبكة سيكون من الصعب تأمين بث مباريات الأولمبيك في أحسن الظروف و هذا ما شكل صعوبة خلال بثنا لمباراة مساء الثلاثاء بين أولمبيك خريبكة ضد إتحاد طنجة. نتمنى أن يتم تدارك الموقف خلال اللقاءات القادمة التي سنبثها من مدينة خريبكة”.
دابا القناة وفق مصدر “كود” عارفة هاد المشكل اللي عندو كثر من 3 سنين٬ يضيف مصدر “كود”. وعلاش نقلاتو؟
دابا وفق ما توصلت به “كود” فان القناة طلبات من ادارة النادي الخريبكي تصايب هاد الشي. غير هو النادي ما يقدرش يدير شي اصلاح. الملعب تابع للمكتب الشريف للفوسفاط. يعني ان الرياضية قبلات تنقل هاد الماتش باش تفرض على ادارة مصطفى التراب يصلح هاد الشي خاصة ان هاد القناة شحال وهي كتطلب من ناس خريبكة يتحركو. يعني ان باطرون الرياضية التابعة للشركة الوطنية للاذاعة والتلفزيون اللي كيديرها فيصل لعرايشي بغات تحرج ادارة مصطفي التراب باطرون الفوسفاط.
دابا هادي بطولة احترافية. شفتو المشاكل كي دايرة