نجوى المالحي -كود ///

حملة خايبة نايضة ضد الصحافية نورا الفواري في جريدة “الصباح” من بعد مقال ديالها بعنوان “التراويح.. الفوضى”، شي صفحات مجهولين وشي حسابات فايسبوكية شبعو فيها سبا،  وكاين لي وصل لدرجة التهديد وقال انها غادي دوز أكفس رمضان في حياتها.

هاد المعلقين ماقراوش المقال وخلاو العنوان يحرك ليهم المشاعر لي على سبة. كيفاش هادي 2019 وباقي بنادم متخلف وماكيآمنش بحرية التعبير، وتقبل الرأي ورأي الاخر والاختلاف لا يفسد للود قضية.

وفي تعليقها على المقال كتبات الفواري: “عزيزي المصلي. صلاتك تعنيك وحدك وتدخل في إطار علاقتك الفردية والشخصية مع الله. يمكنك أن تؤديها في بيتك، إذا لم تجد مكانا لك في المسجد، وتحتسب لك في ميزان حسناتك. فالمهم أن تكون نابعة من القلب خالصة لوجه الإله. لست مضطرا إلى إزعاج الناس وعرقلة طريقهم حتى يرضى عنك ربك. والأهم من هذا كله، أن تفهم أنك لست أفضل من ذلك الذي يصلي في منزله، أو حتى من ذلك الذي لا يصلي أصلا”.

وفي الأخير لي معارفينش صحاب الصحفات أن التهديد كيدي للحبس وكيعاقب عليه القانون، وماعندهمش الحق يسبوها ويشهرو بيها.

هي ما كتهدرش على الصلاة وعلى الدين. كتتكلم على سلوكيات بعض المصلين، ومن حقها تعبر على هاد الشي.