كونط جديد على “إكس” ماغاديش يكون فابور.. إيلون ماسك: للأسف خاصهم يخلصو شوية ديال الفلوس
عفراء علوي محمدي- كود//
باش توصل معاناة المرأة المغربية مع المجتمع الذكوري، وباش يتم إسماع الصوت ديالها، مجموعة من الناشطات والحقوقيات المغربيات دارو فيديو قلدو فيه احتجاجات النساء في الشيلي.
فالفيديو بانو المغربيات لابسات زيف كحل على عينيهم، وترجمو الأغنية الشيلية للدارجة ونشروها على اوسع نطاق.
مغربيات نقلو احتجاجات الشيليات ودرجوها: انا حرة والمغتصب هو انت
Publiée par GOUD sur Mercredi 22 janvier 2020
العيالات رددوا فالفيديو عبارات كتعبر على التضييق اللي كاتعاني منو المراة المغربية على حريتها من طرف الذكور والقضاء والبوليس والدولة والحكومة والمجتمع، وطالبوا بإنصافها وقالوا “أنا حرة.. وأنا الساس أنا الراس.. أنا حرة فعقلي وفكري وحرة فقلبي وجسمي.. وشكون تكون نتا باش تحكمني؟ مسؤولة وكادة وكاملة مكمولة.. وأنت غير مغتصب حكار وأناني جبار.. المغتصب هو أنت…”
وزادوا الناشطات كيقولوا في الفيديو “سمعني يا ظالم.. سمعني يا قاضي يا حاكم.. أنا اللي نختار ماشي نتوما.. والمغتصب هو نتا”.
وكانوا مجموعة من النساء نزلوا معصوبي العينين إلى شوارع العاصمة الشيلية سانتياكَو، ورددوا شعار “المغتصب هو نتا”، للمطالبة بالمساواة، والاحتجاج ضد العنف اللي كايتمارس عليهم.