النكَليز قررات تحبس واحد الراجل فالسبيطار.. متهم بحرق جوج ديال المصلين كانو خارجين من الجامع
نجوى المالحي -كود//
هاد الصباح الممثلة البلجيكية المغربية لبنى ازابال حطات فيديو كتعتذر من البوسة “بوش ا بوش” لي دارت مع نسرين الراضي في مهرجان “كان” السينمائي، ولي نوضات عليهم النحل.
وقالت “مابغيتش نجرح ولا نشوكي المغاربة في شهر رمضان، البوسة كانت عفوية بحالا كنبوس ختي ومافيها والو. ونسرين ما عليها والو، حيت أنا فاجأتها بالبوسة في الفم”.
فيديو الاعتذار حطاتو نسرين في صفحتها على انستكَرام، والمدة ديالو دقيقة، عبرات فيها على الاعتذار ديالها.
القضية تفجرات البارح وكبرات، حيت كاين لي اعتبر أنهم أساءوا للمغرب بهاد البوسان في الفم وفرمضان، وكاين لي قال باغين يديرو البوز وهادشي اصلا مقادو نبيل عيوش حيت كعادتو كيبغي يصدم ويشوكي باش الناس تهدر على افلامو ودير البوليميك، وعدد قليل جاوه عاديين وحقهم هداك وحريتهم.
للتذكير، نسرين ولبنى مشاركين في بطولة فيلم “آدم” ديال مريم التوزاني، مرات المخرج نبيل عيوش لي ناتج الفيام.