كود كازا ///

قدمت “الخطوط الملكية المغربية” روايتها بخصوص فيديو وزير ليبيري يحتج على مسؤول من “لارام” فمطار محمد الخامس. الشركة قالت في بيان لها ان الحادث وقع يوم 10 غشت بمطار محمد الخامس بعد الغاء رحلة الدار البيضاء ومانروفيا وتحويلها الى يوم 11 غشت.

في الفيديو يظهر وزير ليبيري يحتج على مسؤول بالخطوط الملكية المغربية على ما سماه التمييز بين مواطنين من ليبيريا واخرين من امريكا. اللولين خلاوهم فالمطار والثانيين داوهم لاوطيل خارج المطار فكازا.

لارام قالت ان هاد الشي ماشي بهاد الطريقة واوضحت ان اللي وقع انو بعد التأجيل تم نقل 10 مسافرين الى فندق خارج المطار. فيهم ليبريين ولكن عندهم الجنسية الامريكية اي كلهم مسموح ليهم يدخلو للمغرب بلا حاجة للفيزا٬ واضافت “لارام” ان 50 راكب اخر من ليبيريا كيخصهم الفيزا باش يدخلو للمغرب هاد الشي علاش ما مسموحش ليهم يفوتو المطار.

الخطوط الملكية المغربية قالت باللي هادو كلهم سكناتهم الشركة ووكلاتهم وشرباتهم.

المشكلة اللي وقعات. باش كاين هاد الشي علاش المسؤول ديال لارام سكت وما حلش فمو. علاش ما يشرحش هاد الشي للمسؤول الليبيري