19/04/2024 17:22
ماعرفت فين غاديين بهاد الكلاخ فهاد البلاد.. بطلة فيديو النسخة المغربية من برنامج “blind dating by outfits” تمنعات من السفر خارج المغرب
كمال لمريني _ كود//
شدات لابيجي د ولاية أمن وجدة، اليوم السبت، كراب من ذوي السوابق القضائية ف السرقة وبيع شراب بدون ترخيص، يشتبه التورط نتاعو ف بيع مواد مضرة بالصحة العامة والتسبب في وفاة المستهلكين.
وجاء توقيف المعني بالامر، بعدما ماتوا 7 د الناس ف وجدة كانوا يشربوا لا لكول ف حي المير علي ف نفس المدينة، هاد الشي اللي خلا البوليس كيقلبوا على الكراب ويحطوا عليه يديهم.
وحسب مصادر “كود” فان عدد الموتى ارتفع ل 7 د الناس بينهم سيدة، فيما جوج آخرين كاينين ف حالة حرجة وجوج غسلوا ليهم المعدة ومشاو فحالهم.
المعني بالامر كيتواجد رهن تدبير الحراسة النظرية لفائدة البحث اللي كتشرف عليه النيابة العامة ف انتظار تقديمو للعدالة من أجل المنسوب ليه
