كونط جديد على “إكس” ماغاديش يكون فابور.. إيلون ماسك: للأسف خاصهم يخلصو شوية ديال الفلوس
نجوى المالحي – كود //
الفنان الكوميدي المغربي كَاد المالح علن البارح السبت على انضمامو لحملة جميعة Jood اللي كتقول أن بلاصة الدراري الصغار في المدرسة وماشي يجمعو الفلوس وسط الزناقي.
المالح دار فيديو قصير بالدارجة المغربية قال أنه ضد استغلال الوليدات صغار وأن بلاصتهم كاينة في المدرسة وماشي الشارع.
وكان ناض صداع كبير على مواقع التواصل الاجتماعي بسبب پانو تحسيسي لجمعية Jood لإيواء المتشردين، للحد من استغلال الدراري الصغار ف السعاية.
الپانو مكتوب فيه أن “الخير اللي تدير فيه هو ماتعطيهش”، و”بلاصتو ماشي فالزنقة”. مجموعة من النشطاء ماتقبلوش الميساجات اللي فالپانو، وشافو أن هادشي ماشي معقول، بحكم كاينين أطفال محتاجين دوك الفلوس.
وكيف أي موضوع كاين اللي مع و اللي ضد، ولحد الآن كيبان أن نسبة الناس اللي مع فكرة Jood هوما كثر من اللي ضدها.
https://www.instagram.com/p/CM7JpYnnqOz/?igshid=45x3qpn8qjo4