وكالات //

قضية آمبر هيرد وطليقها جوني ديب مازال شاعلة وكل مرة كيبان “الجديد” اللي كتحاول بعض وسائل الإعلام ورواد فالسوشل ميديا يروجو بيه الحركة بإثارة أكبر عدد من الجمهور ولو على حساب الحياة الشخصية ديال ناس آخرين وحرية اختياراتهم.

موقع “Popcorned Planet” الميريكاني نشر تصاور  قالو أنها حصرية خداوها من كاميرات المراقبة ديال الدار اللي عاشت فيه آمبر هيرد وجوني ديب مللي تزوجو ف2015، وروجو على أنها “سكوب” ديالهم على كيف كانت آمبر كتخون “ثقة” جوني وهوما مزال أونسومبل.

وبانت آمبر هيرد مع مرا مجهولة كيتباوسو وسط السانسور، قال موقع “American Post” بللي تقدر تكون المرا الأخرى هي المانكان البريطانية المثلية كارا ديليفين.

Have you seen our BIGGEST Scoop yet?? Looks like Amber Heard is caught in another lie… we found EXCLUSIVE PHOTOS from 2016 of what seems to be: Amber Heard CHEATING on Johnny Depp. Who do you think she’s kissing?! WATCH: https://t.co/tQvd6zbosV pic.twitter.com/PgEbP7GoeR

— Popcorned Planet (@PopcornedPlanet) June 21, 2022

آمبر هيرد هاجموها أيضا وتنمرو عليها بزاف فالأنترنت فقط بسباب هضرة راجت على إقامتها علاقة ثلاثية مع كارا ديليفين والملياردير إيلون ماسك، وهادشي جا على لسان صاحبها وجارها قدام المحكمة، اللي قال أن آمبر هي اللي خبراتو أنها دوزات ليلة مع إيلون ماسك وكارا ودارو علاقة جنسية ثلاثية.