ميريكان غادي تعطي مكافأة ديال 10 مليار لأي واحد غادي يعطيها معلومات على المشة الكحلة
كود كازا ///
كيبان بوضوح ان ادريس لشكر الكاتب الاول للاتحاد الاشتراكي ، ما بقى عندو حتى مشكل انه يكون الاداة اللي كيتم بها فتح النقاش حول التراجع على المكتسبات الديمقراطية في البلاد ، بمعنى ان المواقف و الاراء السياسية اللي حتى الاحزاب ” الادارية ” ما كتقدرش تطرحها ، السي ادريس اليوم كيطرحها بوجه احمر .
الكاتب الاول ديال الاتحاد الاشتراكي ، او بعد الفشل الدريع ديالو في التفوق انتخابيا على العدالة و التنمية ، او من بعد ديك الهضرة الغليضة اللي كان كيقول في وقت سابق ان الحزب ديالو غادي يجي هو الاول في الانتخابات ، اليوم باغي يبدل الفصل 47 من الدستور او يلغي شرط تعين رئيس الحكومة من الحزب المتصدر للانتخابات.
مجموعة من القيادين الاتحاديين اعتبروا ان تصريح ادريس لشكر في الاستجواب اللي قام به في برنامج قفص الإتهام مع إداعة ميد راديو ، او قال فيه ان الفصل 47 عائق للممارسة الديمقراطية و انه حان الوقت للتعديل ديالو ، هو اعتراف ضمني من لشكر بالفشل ديالو في المواجهة الديمقراطية مع العدالة و التنمية ، او كذلك هو اقرا صريح منو انه فشل في تدبير حزب سياسي كبير او جعله من الاحزاب الصغيرة اللي بالكاد كتقدر تجيب فريق برلماني في الانتخابات .