اللي غادي لفرانسا لخميس وماشي لشي غراض مهم يؤجل رحلتو الجوية حتى الجمعة وها علاش
كود كازا ///
قبل اسابيع دارت واحد العملية اسمها “ميتروبول كازابلانكا” بين شركة عقارية ماشي مغربية اسمها “ياميد كابيتال” و”دوزيم”. اي قناة عمومية فيها نسبة من القطاع الخاص. طريقة واعرة باش هاد الشركة اللي كيسيرها شي حد اسمو البقالي.
استغلو كذلك اسم الدار البيضاء باش يبيع الماركة ديالو. هاد اللقاء اللي هتمات بيه “دوزيم” وحضرات شخصيات كثيرة.
اللي بان فالتواصل بشكل كبير هو هاد الشركة. وصلات بيها الوقاحة حتى خدات ايميلات صحافيين ما عندهم علاقة بيهم وبدات تارسوليهم بالميساجات.
هادا اللي جاي يحسن صورتو ما باغيش الخير للمدينة وهو ما دارش الخير حتى فاللي خدامين معاه. اول حاجة دارها باش بدات هاد الجايحة فالمغرب ديال “كورونا فيروس” هو فرض على اللي خدامين معاه ياخذو كونجي 3 اشهر بلا صولد. اييه.
نفس الشركة كان عندها مشروع وقت الحجر الصحي فشارع انفا فكازا باش يبني شي مقر لشي شركة. طبعا باش يماكي هاد الشي كولو تعلن على اوطيل “كانوبي باي هيلتون”. جيل جديد من هاد العلامة
شفتو دار كلشي باش يبان هو المعلم. دابا شكون وراه وشكون كيحميه وشكون كيدعمو
هاد الشركة عندها مشاريع كثيرة واخا ماشي قديمة. كتصرف ف 3.8 مليار درهم. ماشي مغربية حقاش شريكو هو الذراع العقاري للبنك الفرنسي الشهير “باري با”