أصلا خصو “التجريم” فالقانون الجنائي. القضاء انتصر للقانون ضد الأعراف والتخلف السلفي وحكم بالسجن لراجل تزوج بطفلة فدوار بإقليم وجدة
كود الرباط//
علمت كود، أن الشكاية اللي حطاتها المنظمة المغربية لحماية المال العام فمحكمة جرائم الاموال ففاس، تم فيها الحديث عن الاكشاك اللي دارها مجلس جهة الشرق، واللي كلفات ما يقارب مليار ونص.
هاد الاكشاك تدارو سنة 2016، ولحدود الساعة ماتعطاوش للمستفيدين حقاش مشروع كان فاشل، ووزارة التجهيز والنقل مابغاتش تعطيهم ترخيص استغلال هاد الكيوسكات لأنهم ماتشاوروش معاها فالبداية.
هذا كان تبديد ديال المال العام، واللي ساهم فيه عبد النبي بعيوي، وطبعا الشركة اللي ربحات الصفقة “س.ش”، من وجدة ومولاها مقرب من بعيوي، وهذا حال جميع الصفقات اللي كيخرجوا من مجلس جهة الشرق.
هاد الفضيحة دار عليها مجلس الحسابات تقرير، ولكن لحدود الساعة، هاد الاقرير مادار فيه والو، بحال حكم الادانة لي مادارت فيه محكمة النقض والو وخلاتو ناعس هادي عامين ماباغاش تحركو.