الوالي الزاز -كود- العيون ////
[email protected]
توصلت “كود” بشريط فيديو يوثق لشكوى تقدمت بها مدافعة عن حقوق الإنسان مشاركة بأشغال الدورة العادية 42 لمجلس حقوق الإنسان بجنيف.
وتظهر الفاعلة المدنية “ف.ز” بشريط الفيديو وهي تكيل جملة من الإتهامات لعامل آقليم طانطان وباشا الإقليم السابق وقائد المقاطعة الحضرية الثانية، حيث وجهت لهم تهما خطيرة من قبيل “نهب خيرات الإقليم” وغيرها من التهم.
وطرحت الواقعة جملة من الإستفهامات حول الطريقة التي سعت بها الفاعلة المدنية لتصفية حساباتها مع المسؤولين بالإدارة الترابية في والغرض منها في محفل دولي تحضره منظمات حقوقية للذود والمنافحة عن الوحدة الترابية والوضع الحقوقي بالمملكة المغربية. دابا وتسليمها حتى لجنيف باش تصفي حساباتها مع المسؤولين الترابيبن بإقليم طانطان. هاد الشي صغير.
دابا كيفاش وحدة غادية بهدف تدافع على المغرب وسيادتو الوطنية وناضت كتسب فمسؤولين الإدارة الترابية انطلاقا من محفل حقوقي خارجي. هادشي كيضحك علينا نشطاء البوليساريو لي حاضرين فمجلس حقوق الإنسان وكيوجههم باش يضربونا ويضربو الدولة بكل سهولة.
هادي راه ماشي حرية بل شوهة، وكاين مثل صحراوي كيقول “ظحكة فينا ما ظحك” بمعنى أن اي حاجة سلبية فينا ما خاصش نوريوها ولا نضحكو عليها قدام البراني باش ما يضربناش بيها مستقبلا.
الجهات المعنية خاص تعرف شنو كادير وخلفيات كل واحد غادي يحضر فجنيف لأن بحال هاد التصرفات الصبيانية كترجعنا لور لعشرات السنين وكتنسف كاع لي بناتو الدولة.
