مندوبية التخطيط: 55,9 % من الأسر المغربية صرحات باللي مداخليها كتغطي مصاريفها و42,3 فالمية دارت لكريدي
كود باريس ////
فاجتماع اللجنة المغربية الفرنسية العليا بباريس اللي داز. وفد مغربي يقوده بنعرفة كان هناك. رفقة الوفد عدد من الوزراء فيهم وزير الخارجية والتعاون ناصر بوريطة. هاد الوزير اللي ما كيحملش لعيالات اللي عندهم شخصية كانت معاه هاديك فاطمة الزهرا اللي ما عندها حتى شي صفة فوزارة الخارجية.
السيدة كانت تماك بحال مولات الشي. كتصرف بطريقة غريبة” يحكي مصدر ل”كود” كان حضر لهاد الاجتماع. دابا هاد كاره النساء عزيز عليه غير عينة من بنادم. هاداك اللي كيبندق ليه وكيحدر الراس ليه. المشكلة فهاد الحالة ان هاد البنت اللي كان ناض عليها الصداع اول مرة ف2018 فاجتماع بركسيل كان دارو هو واحمد رضى الشامي ديك الساعة كان سفير للمغرب لدى الاتحاد الاوربي٬ مع ناس هاد الاتحاد على خلفية قرار المحكمة الاوربية بخصوص صادرات المغرب الفلاحية وحتى الصيد البحري اللي كيصدروهم للاوربيين من الصحراء.
من ديك الوقت حاول يلقى ليها بلاصة فالخارجية وفشل باش ناض عليه النحل. دابا هاد السيدة كتمشي فمهمات رسمية بلا صفة. ناس الوزارة ما كيفوتوش الرباط ومبررو الحفاظ على الميزانية ولكن هاد البنت اللي تقدمات اول مرة كاليك متدربة فالخارجية وهادي كذبة وصافي٬ كدور العالم.
فاي دولة كتحتارم مواطنيها هاد الوزير خاصو يجي للبرلمان ويجرجروه ويحاسبوه علي هاد التصرفات. السياسة الخارجية راها بيد رئيس الدولة اي الملك وهادا مالو كيضرب فيها