الرئيسية > آش واقع > كيفاش استعملات البوليساريو ضرب الحبس بسباب الارهاب فالحرب على المغرب من تونس وكيفاش دابا كيبتز
20/05/2020 10:00 آش واقع

كيفاش استعملات البوليساريو ضرب الحبس بسباب الارهاب فالحرب على المغرب من تونس وكيفاش دابا كيبتز

كيفاش استعملات البوليساريو ضرب الحبس بسباب الارهاب فالحرب على المغرب من تونس وكيفاش دابا كيبتز

علي الصافي كود كازا ////

كاين تحول واضح فتوجهات البوليساريو ما بعد قرار مجلس الأمن الأخير، وهادشي بغات توضحو وتزكيه عبر مجموعة ديال التحركات المشبوهة لي بدات كتبان من بداية شهر رمضان الجاري وبدء تفشي وباء كورونا.

جبهة البوليساريو فداخلها كتقول بأن احسن فرصة باش توصل لداكشي لي بغات هو تستاغل هاد الفترة ديال وباء كورونا العالمي باش تشن حرب إعلامية على المملكة المغربية وتروج ليها دوليا. هادشي هو لي وقع وبدات بسلسلة تصريحات لقياداتها كينتاقدو الامم المتحدة ومجلس الامن باش يرجعو الحياة لنزاع الصحرا لي واقف منذ استقالة هورست كولر فشهر ماي الماضي.

بالاضافة لهاد الهجمة لجأت جبهة البوليساريو لتوجه جديد، بحيث جابت مدان على ذمة قضايا تتعلق الإرهاب محمد الديحاني لي دوز خمس سنين ديال الحبس فسجون متعددة بسباب خلفيتو الدينية المتطرفة، باش تعاود تهاجم المغرب وتبين أنهم مستضعفين والمفرب كيمارس عليهم التعذيب وغيرو.

هاد محمد الديحاني كان تشد بتاريخ 28 أبريل2010 فمدينة العيون، ودوز خمس سنين ديال الحبس وخرج سنة 2015 بسباب ادانتو بتهم عندها علاقة بالإرهاب، ورجع لمدينة العيون ولقا قداموا مناصرين ديال الجبهة فدارهم كيستقبلوه بداكشي ديال المناضلين والخوا الخاوي. ودابا رجع من بعد خمس سنوات على خروجو من الحبس باش يعاود كيفما كيقول على تجربتو فالحبس، بحيث نسج قصص وبدا كيروج ليها بالدموع من بعدما خرج من المغرب لتونس باش يحضر شي تكوين فمجال حقوق الانسان بفلوس جبهة البوليساريو وتدخل من رئيس جمعية ASVDH ابراهيم دحان ولد عمو وبتدخل من مسؤول الجبهة السابق فلاس بالماس عمر بولسان لي كلهم من قبيلة “اولاد تيدرارين”، حسب مصدر مطلع ل”كود”.

هاد المدان فقضايا الإرهاب كان تلاح فالعمل الحقوقي يحالو بحال بزااااف ديال البرقوقيين فالصحرا ودار جمعية غير قانونية سماها البند السادس باش يحاول يسجل حضورو فالساحة، ويحلل الرزق لي كيوصل كل شهر.

مصادر هدرات مع “كود” أكدات أن هاد محمد الديحاني كان غرضو هو ابتزاز الدولة بالإضافة لخدمة أجندة البوليساريو. لكنه تصدم من ردة الفعل الباردة وان تاحد ما ما تسوق ليه لا فالمغرب ولا خارج المغرب وظابا كيقلب على تخريجة يمكن تكون بمثابة انقلاب على البوليساريو براسها لي كانت واثقاش فيه من الأول.

موضوعات أخرى

28/03/2024 11:00

إدانة المحاميين د الرابور “ديدي” مداهمة الفيديراليون : زادو فيه وهذا” فخ”

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون