الرئيسية > تبركيك > كيبان فيه كيدور باليخت ديالو فشواطئ سبتة.. اسبانيا كتحقق ففيديو منسوب للملك محمد السادس
10/08/2020 17:00 تبركيك

كيبان فيه كيدور باليخت ديالو فشواطئ سبتة.. اسبانيا كتحقق ففيديو منسوب للملك محمد السادس

كيبان فيه كيدور باليخت ديالو فشواطئ سبتة.. اسبانيا كتحقق ففيديو منسوب للملك محمد السادس

عفراء علوي محمدي- كود//

كشف “تلفزيون سبتة” أن البوليس الاسباني فالمدينة المحتلة بدا التحقيقات ديالو على واحد الفيديو تم تداولو على مواقع التواصل الاجتماعي منسوب للملك محمد السادس، كيبان فيه بحال إلى هوا راكب فيخت بوردو، ودايز فالمنطقة العازلة بين الفنيدق وسبتة المحتلة، والناس كيسلمو عليه.

ناس كثار كيتساءلو على مواقع التواصل الاجتماعي واش فعلا هذا فيديو ديال الملك، وإلى كان هو واش الفيديو قديم ولا جديد، خصوصا وأنه صعيب يدوز من المنطقة العازلة أو حدا شواطئ سبتة فهذ الوقت اللي الحدود دسبانيا مسدودة مع المغرب، وقالو إلى كان قديم علاش اختيار هذ التوقيت بالضبط لنشر هذ الفيديو.

محمد السادس كيتبحر

Publiée par Goud.ma sur Dimanche 9 août 2020

وكاين اللي شاف أن الفيديو ممكن يكون قديم، بحكم أنه كاينين تصاور الملك فاليخت ديالو قدام فسبتة، كتعود بعضها ل2014 فاش كان تمنع من دخول شواطئ المدينة المحتلة، وهذشي اللي خلا اسبانيا تعتذر بشكل رسمي على هذشي اللي وقع.

ونشطاء ففيسبوك تداولو على نطاق واسع، لبارح فالليل، فيديو كيقولو أنه دالملك محمد السادس، كيبان فيه دايز فشواطئ سبتة باليخت ديالو، والمغاربة السبتاوين كيحييوه ويقولو ليه “عاش الملك.. الله ينصرك..”، وهو كيرد عليهم التحية بيديه.

موضوعات أخرى

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا

28/03/2024 11:00

إدانة المحاميين د الرابور “ديدي” مداهمة الفيديراليون : زادو فيه وهذا” فخ”

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008