ميريكان غادي تعطي مكافأة ديال 10 مليار لأي واحد غادي يعطيها معلومات على المشة الكحلة
نجوى المالحي- كود//
أثارت وفاة الممثل المبير عبد العظيم الشناوي، نهار الجمعة، حالة من الحزن كبيرة وسط الفنانين المغاربة، لي نعاوه على مواقع التواصل الاجتماعي.
وشاركوا بزاف ديال الممثلين من الجيلين القديم والجديد، تصاور ديال الراحل عبد العظيم الشناوي، على حساباتهم في مواقع التواصل، وكتبو ليه كلام زوين.
ومن بين الفنانين لي عزاو في وفاة الشناوي، الممثل يونس الجندي لي نشر تصويرة مع تعليق “الله يرحمك أستاذي”، والممثلة حنان الإبراهيمي لي حتى هي شاركت صورة الراحل.
وبزاف ديال الفنانين ما قدروش يحضرو لعزاء الممثل الراحل، بسبب الاجراءات لي باقة واخداها الدولة في مراسيم تشييع الجنازات للحد من انتشار فيروس كورونا، وهادشي لي خلا بزاف ديال صحاب وزملاء الشناوي يعزيو فيه افتراضيا وصافي.